प्रतिनिधी सचिन वाघे
samirkunavar:हिंगणघाट :- उपविभागीय अधिकारी कार्यालय, हिंगणघाट दी.२७ ऑगस्ट २०२४ मंगळवारला शिवसेना ( उद्धव बाळासाहेब ठाकरे ) पक्षाच्या वतीने माजी नगराध्यक्ष चंद्रकांत घुसे, तालुका प्रमुख सतीश धोबे, मनीष देवडे, सिताराम भुते यांच्या नेतृत्वात निवेदन देण्यात आले.
निवेदनातून मागणी केली की, तहसीलदार, समुद्रपूर यांनी शासनाच्या विशेष सहाय्य योजने अंतर्गत लाभ मंजुरीच्या संजय गांधी निराधार योजना, श्रावणबाळ सेवा योजना ,इंदिरा गांधी राष्ट्रीय निवृत्ती वेतन योजना यांचे प्रमाणपत्र दि.१९ ऑगस्ट २०२४ च्या झालेल्या तहसीलदार यांच्या समितीच्या सभेत मंजुरी मिळालेल्या लाभार्थ्यांना वितरित करणाऱ्या प्रमाणपत्रावर या योजनेचे अध्यक्ष आमदार समीर कुणावार यांचे छायाचित्र प्रकाशित केले आहे.
त्यावर शासनाचा लोगो व राजमुद्रा प्रकाशित करण्यात आला आहे. सदर प्रमाणपत्रावरील प्रकाशित केलेले छायाचित्र हे कुठल्या नियमात बसते ? यावर आपल्या विभागाकडून स्पष्टीकरण देण्यात यावे.
त्याचप्रमाणे हिंगणघाट येथील इमारत बांधकाम कामगारांना शासनाच्या वतीने मिळणारा किचन सेट व सुरक्षा पेटी मिळत असताना त्या ठिकाणी सुद्धा आमदार समीर कुणावार यांनी स्वतःचे फोटो व स्वतःच्या नावाचे स्टिकर व टोकनवर त्यांचा फोटो असलेले टोकन वितरित करण्यात आले.
ते सुद्धा नियमात बसत नसतानाही प्रशासनाने या संदर्भात आजच्या तारखेपर्यंत कुठलीच कारवाई केली नाही. वरील सर्व विषय जर नियमात बसत असेल तर, आमची व आमच्या पक्षाची कुठलीही हरकत नाही.
बातमी लाईव्ह पाहण्यासाठी येथे क्लिक करा
परंतु महाराष्ट्र शासनाने इमारत बांधकाम कामगार गोरगरीब व गरजू लोकांच्या उत्थानाकरिता अशा योजना निर्माण केल्या. परंतु या योजनेला लोकांपर्यंत पोहचविण्याचे काम शासनाचे असताना, परंतु शासन मात्र यात कुठेही दिसत नाही.
स्थानिक आमदार समीर कुणावार हे आपल्या पद्धतीने प्रशासनावर दबाव टाकून या योजनेचा लाभ स्वतःला मतदानातून कसा होईल यासाठी केविलवाणा प्रयत्न करीत असताना या कृत्याबाबत आपल्याकडून (प्रशासन) कुठली कारवाई केलेली दिसून आली नाही.संबंधित विषयावर आपण कोणती कार्यवाही करणार ?
याबद्दल सविस्तर लेखी माहिती द्यावी. अन्यथा आम्ही शिवसेनेच्या वतीने आपल्या कार्यालयासमोर ठिय्या आंदोलन केल्या शिवाय राहणार नाही यावेळी पक्षाचे उपतालुका प्रमुख प्रकाश अनासाणे , मनोज वरघणे, शंकर मोहमारे, गजानन काटवले ,भास्कर ठवरे, अनंता गलांडे ,आशिष जयस्वाल ,चंदू भुते ,प्रशांत सुपारे,नितीन वैद्य, दिलीप वैद्य, फिरोज खान, फारुख खान, पप्पू घवघवे ,अमोल वादाफळे ,आशिष वाघ, शंकर भोंमले,दिनेश धोबे, संजय सोनुरकर, नथुजी कुकडे, आकाश सुरकार ,गणेश ढेकले,अनेक शिवसैनिक उपस्थित होते
प्रतिक्रिया :- समीर कुणावार (आमदार ) मला विधानसभेतील जनतेने निवडून दिले. मला संविधानिक अधिकार दिले. मी त्यानुसार कार्य केले.
वंदना सौरंगपते उपविभागीय अधिकारी हिंगणघाट
samirkunavar:प्रशासना कडुन दिलेले प्रमाणपत्र नाही.आमदार समीर कुणावार यांचा फोटो असलेले प्रमाणपत्र त्यांनी आपल्या स्तरावर वाटले. माहिती वरिष्ठानकडे पाठवली ते निर्णय घेतील.