सिंदखेड राजा ( सचिन खंडारे )
प्रादेशिक हवामान केंद्र, नागपुर यांनी वर्तविलेल्या हवामान अंदाजानुसार बुलढाणा जिल्हयात दि. १७ मार्च ते २० मार्च, २०२१ दरम्यान तुरळक ठिकाणी हलका ते मध्यम स्वरूपाचा पाऊस पडण्याची तसेच या दरम्यान तुरळक ठिकाणी मेघगर्जनेसह विजांचा कडकडाट होण्याची अधिक शक्यता आहे. यादरम्यान शेतकर्यांनी स्वत:ची व पशुधनाची यथायोग्य काळजी घ्यावी तसेच परिपक्व झालेल्या पिकांची त्वरित कापणी करावी व कापणी केलेल्या शेतमालाची सुरक्षित ठिकाणी साठवणूक करावी . साठवणूक करणे शक्य नसल्यास शेतातील शेतमाल प्लास्टिक शीटने झाकून ठेवावा, जेणेकरून अवकाळी पावसापासून संबंधित शेतमाल खराब होणार नाही, असे आवाहन जिल्हा कृषी हवामान केंद्राचे हवामान तज्ञ अनिल जाधव यांनी दैनिक भारत संग्राम शी बोलताना केली आहे ‘