प्रतिनिधी गुड्डू कुरेशी
सिंदी रेल्वे..लोकांची कामे जलद गतीने व्हावी यासाठी महसूल विभागाच्या वतीने सिंदी येथे नायब तहसील कार्यालयात लोकाभिमुख पारदर्शक व गतिमान प्रशासन शिबिराचे आयोजन करण्यात आले होते.
परिविक्षाधीन तहसीलदार डोगरे रेवैया यांचे हस्ते शिबिराचे उद्घाटन करण्यात आले. शिबिरात नायब तहसीलदार मधुकर ठाकरे, मंडळ अधिकारी सचिन पिसूद्दे, यांचे हस्ते महसूली प्रकरणातील आदेश संजय गांधी योजनेतील तसेच पुरवठा विभागातील विविध प्रमाणपत्रे शेतकरी व नागरिकांना वाटप करण्यात आले.
प्रधानमंत्री कृषी सिंचाई योजना अंतर्गत विविध स्पर्धा संपन्न(Lonar)
या शिबिरात वहीवाटीचा रस्ता मोकळा करण्याबाबत चार आदेश पारित करण्यात आले, वाटणीपत्रचे ६ आदेश, कलम १५५ अंतर्गत दुरुस्तीचे पाच आदेश, ऍग्री स्टॅक बाबत नोंदणी ३२ अर्ज प्राप्त, संजय गांधी निराधार योजना अंतर्गत ७ प्रमाणपत्राचे वाटप करण्यात आले,
सिंदी रेल्वे मंडळ अंतर्गत २२ फेरफार प्रकरणाचा निपटारा करण्यात आला, ३७ प्रत सातबाराचे वाटप करण्यात आले, उत्पन्न अहवाल २२ प्रति वाटप करण्यात आले, शिधापत्रिका मधून १७ नावे कमी करण्याच्या प्रकरणाचा निपटारा करण्यात आला, ३ लोकांची नवीन शिधापत्रिका तयार करण्यात आली, श्रावण बाळ निराधार योजना मध्ये ४ नवीन अर्ज प्राप्त करण्यात आले, १७ लोकांना हयातीचे प्रमाणपत्र वाटप करण्यात आले,
संजय गांधी निराधार डीबीटी अंतर्गत २२ लोकांचे कागदपत्रे घेण्यात आली व इतर विविध प्रकरणाचे प्रमाणपत्र वाटप करण्यात आली तसेच शिबिरामध्ये अनेक लोकांनी भेट दिली.
महसूल मंत्री चंद्रशेखर बावनकुळे यांच्या संकल्पनेतून सेलू तालुक्यात गावागावात शिबिर घेऊन जनतेची कामे निकाली काढण्याची योजना म्हणजेच लोकाभिमुख पारदर्शक व गतिमान प्रशासन शिबीर होय..
Hingnghat:शिबिरात सिंदीचे पटवारी तिलक चंदनखेडे, हेलोडीच्या पटवारी रोशनी कोळमकर, पळसगावचे पटवारी धम्मदीप थुल, चाणकी कोपऱ्याच्या पटवारी संगीता थोटे, महसूल सहाय्यक कुसुम वाघ, दिलीप पाटील, कविता उरकुडे पुरवठा निरीक्षक सेलू आदींनी विविध प्रमाणपत्राचे नागरिकांना व शेतकऱ्यांना वाटप केले…