सचिन वाघे वर्धा
प्राप्त माहितीनुसार वडनेर येथील इंदिरा गांधी विद्यालयाचे कर्मचारी सुरेश देवतारे हे आपल्या पत्नीसमवेत उड़ाणपुलावरुन स्वतःचे मोटरसाइकलवरुन जात असता मागून आलेल्या कंटेनरने धडक दिल्याने सदर अपघात झाला असून त्यात सुरेश देवतारे यांचा जागीच मृत्यु झाला.
सुरेश देवतारे हे आज सायंकाळी ४.३० वाजताचे दरम्यान शालेय शिक्षिकेचे साक्षगंध आटोपुन नांदगांव परिसरातील द्वारकानगरी येथे घरी परत जाण्यास निघाले असतांना सदर अपघात घडला.
सदर अपघात घडला त्याचवेळी देवतारे यांचा मुलगा तेथून जात होता.अपघात पाहण्यासाठी आलेल्या मुलाला आपले वडिलांचा अपघात झाल्याचे दृश्य दिसले.
घटनेची माहिती मिळताच पोलिस उपनिरीक्षक दिपेश ठाकरे,पोशी अजहर खान,प्रदीप राठोड,दिपक हाके घटनास्थळी पोचले.