यावल ( प्रतिनिधी )विकी वानखेडे
महाराष्ट्र राज्याचे भ्रष्टाचारी आणी खंडणीखोर गृहमंत्री ना . देशमुख यांनी तात्काळ आपल्या पदाचा राजीनामा द्यावा अशी यावल तालुका भारतीय जनता पक्षाच्या वतीने एका निवेदनाद्वारे आज करण्यात आली आहे . या संदर्भात आज भारतीय जनता पक्षाच्या वतीने तहसीलदार यांना देण्यात आलेल्या निवेदनात म्हटले आहे की , काल मुंबईचे माजी पोलीस आयुक्त परमबिर सिंग यांनी राज्याचे मुख्यमंत्री उद्धव ठाकरे यांना एका लिखित पत्राद्वारे सणसणीत आरोप करीत म्हटले आहे की , राज्याचे गृहमंत्री अनिल देशमुख यांनी सचिन वाझेला सांगीतले की तुम्ही प्रति महीन्याला मला १०० कोटी रुपये जमा करून द्यावे , असे जर असले तर ही बाब महाराष्ट्र राज्याच्या दृष्टीने योग्य नसुन , तरी राज्याचे गृहमंत्री अनिल देशमुख हे भ्रष्ठाचारी आणी खंडणीखोर असुन त्यांना गृहमंत्री पदावर राहण्याचा नैतिक अधिकारी नाही तरी त्यांनी गृहमंत्रीपदाचा राजीनामा द्यावा , जर गृहमंत्री यांनी तात्काळ राजीनामा न दिल्यास भारतीय जनता पक्षाच्या वतीने तिव्र स्वरूपाचे आंदोलन छेडले जाईल असा ईशारा दिला असुन, या प्रसंगी तहसीलच्या संजय गांधी विभागाच्या सौ.भारती भुसावरे यांना व महसुल कर्मचारी पराग सरोदे, सुरज जाधव यांच्या उपस्थितीत दिलेल्या निवेदनावर भाजपाचे तालुका अध्यक्ष उमेश रेवा फेगडे , जिल्हा परिषदचे आरोग्य व शिक्षण समिती सभापती रविन्द्र सुर्यभान पाटील , जिल्हा उपाध्यक्ष हिरालाल व्यंकट चौधरी , जिल्हा सरचिटणीस हर्षल गोविंदा पाटील , यावल पंचायत समितीच्या सौ .पल्लवी पुरूजीत चौधरी , जिल्हा परिषद सदस्या सौ . सविता अतुल भालेराव , पंचायत समितीचे उपसभापती योगेश दिलीप भंगाळे , भाजपाचे तालुका सरचिटणीस उज्जैनसिंग राजपुत , कृउबाचे उपसभापती उमेश प्रभाकर पाटील , योगीराज बऱ्हाटे यादी पदाधिकारी व कार्यकर्त्यांच्या स्वाक्षरी आहेत .