यावल ( प्रतिनिधी )विकी वानखेडे
, तालुक्यातील डांभुर्णी गावातुन अवैध वाळुची वाहतुक करणारे ट्रॅक्टर वाहन महसुलच्या धडक मोहीमेत पकडण्यात आले असुन , महसुल प्रशासनाने आठ दिवसात केलेली पाचव्या कारवाईमुळे विना परवाना वाळुची वाहतुक करणाऱ्यांचे चांगलेच धाबे दणाणले आहे . दरम्यान या संदर्भात मिळालेली माहीती अशी की आज दिनांक १६मार्च रोजी सकाळी ५ , ३० वाजेच्पा सुमारास डांभुर्णी गावातुन गावाजवळच्या नाल्यात साठवण करून ठेवलेल्या अवैद्यरित्या ट्रॅक्टर वाहन क्रमांक एमएच १९ सियु९८०२यातुन कोळन्हावी येथील राहणार पिंताबर समाधान सोळुंके हे महसुल प्रशासनाच्या नायब तहसीलदार आर के पवार , फैजपुर मंडळातील तलाठी पी पी जावळे , आमोदे येथील तलाठी एम पी खुर्दा, पोलीस कर्मचारी भुषण चव्हाण तहसीलदारांचे वाहन चालक हिरामण सावळे यांनी विनापरवाना वाळुची वाहतुक करतांना ताब्यात घेतले असुन, सदरच्या विनापरवाना वाळुची वाहतुक करणाऱ्यावर दंडात्मक कारवाई करण्यात येणार असल्याची माहिती निवासी नायब तहसीलदार आर के पवार यांनी दिली असुन, महसुलच्या वाळु माफीयाच्या विरुद्ध सुरू केलेल्या मोहीमेअंतर्गत आठ दिवसातील पाचवी कारवाई झाल्याने वाळु माफीयावर चांगला वचक बसल्याचे दिसुन येत आहे . यावेळी महसुलच्या पथकाने घटनास्थळी जावुन वाळुचा पंचनामा करून ट्रॅक्टर वाहन जमा केले आहे . दरम्यान वाळुची वाहतुक करणाऱ्या ट्रॅक्टर चालकांने कारवाईच्या भितीने वाहन घेवुन पळुन जाण्याचा देखील प्रयत्न केला मात्र महसुलचे वाहन चालक हिरामण साळवे यांनी समय सुचकता बाळगुन वाळुची वाहतुक करणाऱ्या ट्रॅक्टरचा अत्यंत खडतर मार्गावरून सुमारे पाच किलोमिटर पाठलाग करून वाहनास पकडण्यात यश मिळवले .