यावल ( प्रतिनिधी )विकी वानखेडे
तालुक्यातील चुंचाळे येथील श्री. संत संताजी सार्वजनिक वाचनालय व ग्रंथालय यांच्या वतीने महामानव भारतरत्न डॉ बाबासाहेब आंबेडकर यांची १३०वी जयंती साजरी करण्यात आली.आज सार्वजनिक वाचनालयात आयोजीत या कार्यक्रमास यावल येथील स्वराज्य फाउंडेशन अध्यक्ष अँड भरत चौधरी ,रहेमान तडवी यांनी ही उपस्थित राहुन राज्यघटनेचे शिल्पकार डॉ . बाबासाहेब आंबेडकर यांच्या प्रतिमेचे सामुहिक पूजन करून त्यांना आदरांजली अर्पण केली . यावेळी सामाजीक कार्यकर्त हेमंत सावकारे, संजय पाटील, शिवाजी गजरे , पत्रकार विकी वानखेडे, पत्रकार दिपक नेवे हे प्रामुख्याने उपस्थित होते. भिम आर्मी सामाजिक संघटना सचिव जळगाव जिल्हा सुपडू संदांनशिव .स्वराज्य फाउंडेशन अध्यक्ष अँड भरत चौधरी यांनी डॉ. बाबासाहेब आंबेडकर यांच्या जिवन कार्याबद्दल माहिती दिली व आजच्या तरुणांनी डॉ बाबासाहेबांचे विचार व आचार आत्मसात केल्यास हीच खरी त्यांना आदरांजली ठरेल असे सांगुन कोरोना काळात महाराष्ट्र राज्याचे मुख्यमंत्री माननीय उद्धव ठाकरे यांनी केलेल्या आवाहनाला प्रतिसाद देत कोरोना संकटावर मात करण्यासाठी दिलेल्या उपाययोजनांचे पालन करण्याची ही याप्रसंगी मान्यवरांनी विनंती केली व प्रत्येक व्याक्तीने आरोग्याच्या दृष्टीने घ्यावयाची काळजी व कोरोना आजारांवर मात करण्यासाठी धडे देत साधे पणाने जयंती साजरी केली. या जयंतीच्या कार्यक्रमास चुंचाळे येथील यांच्यासह ग्रामस्थ उपस्थित होते.