इस्माईल शेख बुलढाणा जिल्हा प्रतिनिधी
सिंदखेडराज.आगामी काळात येणारे गोकुळाष्टमी ,पोळा ,गणेशोत्सव या संबंधाने मा. पोलीस अधीक्षक साहेब, बुलढाणा, मा. अप्पर पोलीस अधीक्षक साहेब, बुलढाणा यांचे आदेशानुसार उपविभागीय पोलीस अधिकारी श्री अजयकुमार मालवीय साहेब यांच्या प्रमुख उपस्थिती मध्ये आज तारीख 29 रोजी सिंदखेड राजा पोलीस स्टेशन येथे सिंदखेड राजा व किंनगाव राजा हद्दीतील गणेश मंडळ पदाधिकारी, बँड /DJ मालक यांची मिटिंग घेण्यात आली.
सदर मीटिंगमध्ये आगामी काळात येणारे वरील सर्व सण/उत्सव हे शांततेत पार पाडावे तसेच कोणत्याही प्रकारचा कायदा व सुव्यवस्थेचा प्रश्न निर्माण होणार नाही,
तसेच सोशल मिडिया बाबतीत व्हाट्सअप, फेसबुक, इंस्टाग्राम, यावर कोणत्याही प्रकारे आक्षेपार्य पोस्ट, व्हिडिओ हे प्रसारित करू नये तसेच गणपती मंडळाचे मिरवणूक मध्ये पारंपरिक वाद्य लावावे Dj वाद्य लावण्यात येऊ नये या व इतर महत्वपूर्ण सूचना देण्यात आल्या.
सदर मिटींगला पोलीस स्टेशन सिंदखेडराजाचे ठाणेदार केशव वाघ, किंनगाव राजा ठाणेदार सपोनि दत्तात्रय वाघमारे तसेच 60 ते 70 सदस्य हजर होते.