आ_श्वेताताई_महाले यांच्या हस्ते सत्कार
अजहर शाह मोताळा प्रतिनिधी
आज दि.२०/१०/२०२० रोजी भाजपा नेते मा.आमदार विजयराज शिंदे व सौ.अर्पिताताई विजयराज शिंदे या दांम्पत्यांकडून राम नगर येथील निवासस्थानी नवरात्री निमित्त विविध क्षेत्रात उल्लेखनीय कार्य करणाऱ्या नारीशक्तिच्या सत्कार आमदार श्वेताताई महाले यांच्या शुभहस्ते पार पडला.
आमदार श्वेताताई महाले यांच्या संकल्पनेतुन नवरात्री उत्सवात विविध नारी शक्तिंचा सन्मान करण्याचा उपक्रम सुरु आहे.याच संकल्पनेस दुजोरा देत भाजपा नेते विजयराज शिंदे यांनी सपत्नीक नवरात्रीच्या पर्वावर नऊ नारिशक्तीचा सत्कार आ.श्वेताताई महाले यांच्या प्रमुख उपस्थितीत आयोजित केला होता.
प्रथमतः आमदार श्वेताताई महाले यांचा जि.प.सदस्य ते एक आमदार तसेच समाजकारण व राजकारणातिल विशेष कामगिरी करून महिलांत आदर्श निर्माण केल्याबद्दल लोकनेते विजयराज शिंदे व सौ.अर्पिताताई विजयराज शिंदे यांच्या कडून नारिशक्ती म्हणून साडीचोळी देऊन स्वागत सत्कार करण्यात आला.
विविध मान्यवरांच्या उपस्थितीत ज्या नारिशक्तिंचा सत्कार करण्यात आला त्या मध्ये सेवा संकल्प परिवारात पालवे दांपत्यां समवेत निराधार,मानसिक रुग्ण,अपंग यांची सेवा करणाऱ्या करून, साहित्य क्षेत्रातील विशेष कामगिरी बद्दल प्रा.सौ वंदना निशिकांत ढवळे यांचा साड़ीचोळी देऊन स्वागत सत्कार करण्यात आला.
महिला व बाल गुन्हेगारी क्षेत्रात विधिज्ञ म्हणून विविध महत्वपूर्ण पदांवर जबाबदारी पार पाडणाऱ्या ऍड.सौ.किरणताई राठोड,
वन्यजीव सोयऱ्या म्हणून सतत सामाजिक कार्यात अग्रेसर असणाऱ्या प्रा.वंदना काकड़े,बचत गटाच्या माध्यमातून महिला सशक्तिकरण करणाऱ्या प्रतिभा संजय आराख ,सौ.पांडेताई तसेच आयुर्वेद उत्पादन व महिला बचतगटात विशेष कार्य करणाऱ्या सौ रेणुका अनुराज भालेराव, विशेष सत्कार म्हणजे हतेडी गावच्या महिलेने श्रीमती पंचफूला छगन सुरभे या महिलेने स्वतः बारा वर्ष ऑटो रिक्शा चालून आपल्या तीन मुलींचे लग्न, मुलगा सैनिक म्हणून देशसेवेत व एका ठिकाणी आजारी असणाऱ्या पतिचा चार वर्ष वैद्यकीय इलाज करून नारीशक्तिचा विशेष परिचय पुरुष प्रधान संस्कृतिला करून दिला या महिलेचाही विशेष भावनिक सत्कार साड़ीचोळी देऊन करण्यात आला.
राजकारनात सातत्याने विविध पदांवर कार्य करणाऱ्या नगरसेविका सौ.सिंधुताई खेडेकर, तर या कार्यक्रमाचे सूत्र संचालन करणाऱ्या वृत्त निवेदिका, निर्भिड सामाजिक कार्यकर्त्या सौ.नंदिनीताई क्षिरसागर-साळवे यांचा ही स्वागत सत्कार करण्यात आला.
या प्रसंगी “प्रत्येक नारीच्या विशेष कार्याचा सन्मान झाला पाहिजे व महिलांची शक्ति सुद्धा देशकार्यात व पक्ष कार्यात दिसून यावी यासाठी कुटुंब प्रमुख पुरुषांची साथ असली पाहिजे” असे प्रतिपादन करत या उपक्रमाचे विशेष कौतुक आमदार श्वेताताई महाले यांनी केले.
यावेळी महिलांमध्ये भाजपाच्या सौ.विजयाताई राठी, अल्काताई पाठक,सौ.स्मिताताई चेकेटकर,वर्षाताई पाथरकर,सरपंच सौ.कांताबाई राजगूरे,यांसह अनेक महिला उपस्थित होत्या.तर कार्यक्रमाला विशेष उपस्थिती म्हणून भाजपा नेते योगेंद्रजी गोड़े,प्रा.जगदेवराव बाहेकर,ऍड.व्ही.डी.पाटिल,तालुकाध्यक्ष सुनील देशमुख,मा नगराध्यक्ष विठ्ठलराव येवले,नगरसेवक अरविंद होंडे,मंदार बाहेकर,वैभव इंगळे,भाजयुमो तालुकाध्यक्ष संदीप उगले, भाजयुमो शहराध्यक्ष विनायक भाग्यवंत,दत्ताभाऊ पाटील,अर्जुन दांडगे,भगवान जाधव,पुरुषोत्तम लाखोटीया,अशोक उगले,ज्ञानेश्वर राजगुरे,राजेंद्र पवार, हरिभाऊ सिनकर,सुभाष कदम,मो.सोफियान,गौरव राठोड,बुधण चौधरी,आशिष व्यवहारे,जाहीर शेख,सचिन शेळके,संजय जुंबड,भगवान एकडे,दिलीप तोटे,सतिश हिंगणे,राजू सुरपाटने,सुभाष जगताप,प्रकाश आवटे,नितीन बेंडवाल,प्रकाश सुरडकर,सोहम झालटे, ई भाजपा पदाधिकारी ,कार्यकर्ते व मान्यवर उपस्थित होते.